Damian Gjiknuri, zhvilloi takim me vajzat dhe gratë e Njësisë Administrative Novoselë.
Duke e vlerësuar kontributin e tyre, si forcë e fuqishme për Partinë Socialiste dhe për zhvillimin e mëtejshëm të vendit, Gjiknuri pohoi se, “është kënaqësi që rikthehem në këtë njësi, që më është bërë si njësia ime e dytë, për shkak të mikpritjes por dhe për punët e mira që kam bërë oër zonën. Ujësjellësi, për të cilin u financua 8 milion euro, ende nuk ka përfunduar. Zotohem se, do merrem në veçanti me këtë çështje që të përfundojë edhe pjesa e mbetur dhe ju të keni ujë. Në drejtim të investimeve të tjera, unë kam bërë gjithçka, si për energjinë elektrike ashtu dhe për akset rrugore mes fshatrave të zonës. Por nuk kemi mbaruar punë. Ne të gjithë siç jemi këtu, do të marrim një rezultat të shkëlqyer për Partinë Socialiste, ku dhe unë do të ndihesha i nderuar po u vlerësova nga ju, sepse ju ja dini vlerën mbështetjes së forcës politike që, është e vetmja alternativë që mund të na çojë përpara. Jam besimplot tek mbështetja masive që ju do të tregoni ndaj Partisë Socialiste më 11 maj, siç e keni treguar përherë”.