Këngëtarja e njohur Gwen Stefani dhe partneri i saj, këngëtari Blake Shelton janë fejuar, pas pesë vitesh së bashku.
Lajmin e bën të ditur përmes një postimi në instagram vetë këngëtarja duke treguar se kishte marrë një propozim me unazë diamanti.
“Po, të lutem”- shkroi Stefani krahas fotos ku tregonte unazën dhe i dhuronte një puthje në buzë partnerit të saj.
“Gwen Stefani, faleminderit që më sigurove vitin 2020 dhe pjesën tjetër të jetës sime”.
Çifti ishin njohur në vitin 2015, ku që të dy ishin juri tek “The Voice”.
