Paris Saint-Germain e ka nisur me këmbë të mbarë sezonin e ri në Ligue 1, duke marrë tre pikë të rëndësishme në transfertë ndaj Nantes.
Goli i vetëm i takimit erdhi nga mesfushori Vitinha, i cili në e 67-të të ndeshjes shfrytëzoi hapësirën në hyrje të zonës dhe lëshoi një goditje të fortë. Topi u devijua nga mbrojtja vendase dhe e befasoi portierin Anthony Lopes, që nuk arriti ta ndalte.
Pavarësisht përpjekjeve të Nantes për të reaguar, PSG menaxhoi mirë lojën dhe ruajti avantazhin deri në fund. Kështu, kampionët e Francës e nisin me fitore kampionatin, duke dhënë sinjal të qartë se mbeten favoritët kryesorë për titullin.
