Përfaqësuesi i imamëve: Xhamia në Prishtinë, vatër e drogës dhe prostitucionit

Një xhami në Prishtinë është bërë vatër e prostitucionit dhe e drogës. Këtë shqetësim e ngriti përfaqësuesi i imamëve të Prishtinës, Idriz Gjigolli, gjatë takimit të Ministrit të Punëve të Brendshme me forumet lokale të sigurisë.

Gjigolli tha para të pranishmëve se në një xhami të kryeqytetit po ushtrohet prostitucion e madje ajo është bërë edhe vatër e drogës.

Ai nuk e bëri të ditur se për cilën xhami bëhej fjalë, megjithatë pranoi se xhamia po rinovohet.

Deklaratën e Gjikollit e pranoi edhe Rexhep Sijarina nga policia e Kosovës.

Ai rrëfeu se kanë marrë disa telefonata pas të cilave kanë hasur raste të narkomanëve dhe të prostitucionit, në xhaminë e lartpërmendur.