Rama: Nuk jemi kundër ndryshimit të kufijve Kosovë-Serbi

Kryeministri Edi Rama shprehet I hapur për një ndryshim kufijsh mes Kosovës dhe Serbisë, në një prononcim për median zvicerane “Neue Zürcher Zeitung”.

“Është një gjë natyrale”, thekson kryeministri duke nënvizuar faktin se Shqipëria nuk është përfshirë në negociatat mes dy vendeve. Kreu i qeverisë së Tiranës këshillon qe të shmanget përcaktimi i kufijve në vija etnike.

Ndërsa për hartimin e ujdisë finale, Rama nënvizon se u takon Kosovës dhe Serbisë që të vendosin. Shefi i qeverisë ndër të tjera shprehet se Shqipëria do të mbështesë çdo marrëveshje që gëzon pëlqimin e Bashkimit Europian dhe Shteteve të Bashkuara të Amerikës.