A keni shkuar në zemër të Alpeve Shqiptare, Lëpusha në Malësi të Madhe, te bujtina “Kelmendi”?

Në zemër të Alpeve Shqiptare, Lëpusha në Malësi të Madhe mbetet një nga destinacionet më të veçanta të turizmit malor në Shqipëri.

Mes natyrës së paprekur, biodiversitetit dhe peizazheve mahnitëse alpine, bujtina “Kelmendi”, e mbështetur nga AZHBR përmes Skemës Kombëtare, është kthyer në një model të suksesshëm agroturizmi.

Dod Gjerkaj ka ndërtuar një sipërmarrje ku ndërthuren mikpritja tradicionale, ushqimi cilësor me produkte të freskëta të zonës dhe aventura në natyrë.

Ecje në shtigje malore, eksplorim i Alpeve dhe përjetime autentike që e bëjnë Lëpushën një destinacion për çdo stinë.