Ambasadorë! Edhe mund të thoni një fjalë për Beratin ku doli një pjesë e masakrës elektorale

Ajo që ndodhi sot në KAS ku LSI dhe PD nxorën para drejtuesve të këtij Institucioni të rëndësishëm zgjedhor fakte se shumë e shumë persona kanë votuar nga dy, tre apo herë me 25 prill dhe ku duket hapur se ka prishur rezultatin e zgjedhjeve në favor të PS, duhej të kishte sjellë reagimin e SPAK me arrestime dhe së dyti të ambasadorëve të huaj të rëndësishëm në Tiranë.

Dhe imagjinoni se nuk janë hapur të gjitha kutitë, por një pjesë e tyre dhe ku doli hapur dhe live se si është ndryshuar vullneti popullor. Dhe u hapën vetëm në një qark, në Berat, atje ku LSI humbi mandatin e deputetit vetëm për 77 vota, ndërsa dolën qindra vota të manipuluara. Nëse KAS do ti hapte të gjitha e jo disa kuti, do kishim një vjedhje të madhe dhe ndryshim rezultati në mënyrë flagrante.

Po në qarkun e Gjirokastrës, po në atë të Durrësit ku masakra mbetet epokale? Po në Elbasan? Po në Tiranë? Po Korça?

Nëse KAS vazhdon me hapjen e kutive të tjera do kemi rezultat surprizë, sepse manipulimet janë kryer në bashkëpunim Qeveri-PS-Banda.

Berati sot verifikoi akuzat e opozitës.

Po si ka mundësi që asnjë ambasador i huaj europian apo më larg se BE, nuk folën një fjalë? A duhej ata të inkurajonin SPAK të hetonte dhe të arrestonte personat që kanë votuar dy, tre apo herë në emër të PS?

A do t’i bënte me të besueshëm këta ambasadorë nëse flisnin dhe bile të kërkonin nga KAS, politika dhe drejtsia që hapeshin kutitë kudo ku ka probleme?

A ishte Edi Rama në vitin 2009 që bëri grevë urie që të hapeshin kutitë? Dhe ku Saliu nuk i hapi duke kryer një vepër antiligjore.

Pse duhet të vazhdohet në udhën e pafund të vjedhjes, manipulimit dhe blerjes së votës.

Ambasadorë! Edhe mund të flisni!