Mbrëmë sapo Berisha mbaroi fjalimin e tij, u hodhën molotovët e parë mbi kryeministri, por ndërhyrja e mënjëhershme e forcave policore te grupi i molotovëve, krijoi përplasje mes palëve. Deputetët Flamur Noka dhe Luçiano Boçi u përballën me spray policor në fytyrë, ku Boçi përfundoi në spital me lëndime në fytyrë e probleme në frymëmarrje.
Ndërkohë deputetët e partisë së Ilir Metës ia mbathen shpejt nga sheshi, kur filloi përplasja me parimin “këmbët e shpejta e faqja e bardhë.
Kreu i PD Sali Berisha sot ka deklaruar se ndryshe nga sa ndodhi në protestën e djeshme, me deputetët e Partisë së Liridë, Tedi Blushi, Erisa Xhixho dhe Edmond Haxhinasto që u larguan pas hedhjes së molotovëve, ata duhet të ishin pjesë e protestës deri në fund.
“Deputetët duhet të qendrojnë deri në fund. Dje në mënyrë selektive të plagosur të dëmtuar ishin një grup i gjerë deputetësh e drejtuesish”, tha ai.