Edi Rama: Të prishim gardhiqet dhe hendeqet politike (foto nga Kongresi)

Kryeministri dhe kryetari i PS, Edi Rama ka postuar sot foto nga Kongresi dhe një shënim të pazakontë për natyrën e tij autoritare. Ai shkruan se duhet paqe, mirëkuptim e të mos kemi gardhe partike.

Ja se çfarë shkruan tekstualisht Edi Rama, që duhet pranuar se mbetet i vetmi që mori mandatin e tretë si kryeministër dhe sipas Taulant Ballës, PS-ja do të fitojë edhe mandatin e katërt në vitin 2025.

“Me këtë fotoalbum nga Kongresi ndryshe i Partisë Socialiste, duke ju ftuar të gjithëve të prishim gardhet partiake e t’i lëmë pas hendeqet politike #TëBashkuarJoTëNdarë, si shqiptarë, si qytetarë e si njerëz të këtij vendi, ju uroj një të diel të paqtë”- shkruan kryeministri.