Eurobarometri: Shqiptarët të kënaqur me varfërinë! LSI: Barometër me kanabis!

Kreu i grupit parlamentar të LSI-së, Petrit Vasili ironizoi Eurobarometrin e BE-së për rezultatin që publikoi, se 55% e shqiptarëve janë të kënaqur dhe optimistë për gjendjen ekonomike të vendit.

Nëpërmjet një postimi në Facebook, Vasili shkruan se barometrat punojnë me zhivë dhe kjo zhiva e eurobarometrit do të jetë me siguri e përzierë me kanabis, nga ajo që trazon mendjen dhe xhepat e disave.

MESAZHI I Petrit Vasilit 
Eurobarometri na tregon se shqiptaret na qenkan shumë të lumtur, sepse janë shumë të varfër.
Eurobarometri na thotë edhe që megjithëse janë tre herë e kusur më të varfër se europianet, prapë së prapë shqiptarët qenkan shumë të gëzuar që janë kaq të varfër.

Barometrat punojnë me zhivë dhe kjo zhiva e eurobarometrit do të jetë me siguri e përzierë me kanabis, nga ajo që trazon mendjen dhe xhepat e disave….Gallupi na thotë qartë, që shqiptaret duan të ikin në masë nga Shqipëria, por Gallupi përdor zhivë të pastër me sa duket.