PD-ja duhet të dalë me deklaratë zyrtare për duelin Berisha-Kim

Përplasja për jetë a vdekje politike e Sali Berishës, ish-lider i PD-së dhe ish-kryeministër i Shqipërisë, me ambasadën amerikane në Tiranë, kërkon një shpjegim publik dhe zyrtar nga ana e PD-së.

Ambasadorja amerikane, pra SHBA, mbetet e vendosur se Sali Berisha nuk duhet të futet deputet nga Lulzim Basha. Ish-kryeministri Berisha deklaron se do futet në parlament si deputet i PD.

Lulzim Basha ka takuar ambasadoren amerikane Yuri Kim. Por nuk ka folur për publikun dhe as për partinë e tij!

Sali Berisha thotë se Lulzim Basha i ka thënë se ka kërkuar fakte nga SHBA.

Yuri Kim foli!

Sali Berisha flet!

Lulzim Basha hesht!

Kjo nuk duhet, sepse kryetari i PD-së ka detyrimin politik, por edhe qytetar, të dalë publikisht e të shpjegojë se cili është qëndrimi i tij dhe i PD-së.