Në ditën e Europës kryeministri Edi Rama, krah ambasadorit të delegacionit Europian, Silvio Gionzato, deklaroi se për shqiptarët Europa mbetet një ëndërr dhe një “tokë e premtuar”.
Ai theksoi se Bashkimi Europian për Shqipërinë nuk është vetëm një aspiratë, por një garanci për të ardhmen dhe shtetin e së drejtës.
“Europa për në mbetet një ëndërr dhe tokë e premtuar, amanet i pajetërsueshëm kombëtar dhe mision i pandryshueshëm politik. Jo se ne jemi naivë, as se ne kemi iluzione, por se ne e dimë fort mirë, më mirë se sa kush do tjetër në këtë kontinent se çfarë do të thotë të jetosh i izoluar dhe i rrethuar me mure për t’u mbrojtur nga Europa”, tha kryeministri.
Rama shtoi se besimi për integrimin europian është “një rrugë pa kthim”, duke vlerësuar gjithashtu ata që kanë kontribuar në ndërtimin e Bashkimit Europian dhe në afrimin e Shqipërisë me këtë proces.
Rama: Për ne Shqiptarët, Europa mbetet edhe në këtë kohë të vranët ajo që ka qenë kur nuk ishte dot e arritshme, përveç se mes atyre valëve të dobëta që ekranet ilegale sillnin nga jashtë Shqipërisë në ekranet e televizorëve.
Europa për në mbetet një ëndërr dhe tokë e premtuar, amanet i pajetërsueshëm kombëtar dhe mision i pandryshueshëm politik. Jo se ne jemi naivë, as se ne kemi iluzione, por se ne e dimë fort mirë, më mirë se sa kush do tjetër në këtë kontinent se çfarë do të thotë të jetosh i izoluar dhe i rrethuar me mure për tu mbrojtur nga Europa…
Nëse ne sot jemi besimplotë për ecurinë e këtij procesi, kjo lidhet pikërisht me ecjen dorë për dorë me BE. BE dhe të qenit njëkohësisht pjesë e tij është një garanci. Shumëkush e pikturon BE-në si një pengesë, barrë, apo një perimetër për të mos marrë frymë lirisht. Por, nuk ka gjë më larg të vërtetës dhe të gabuar, sepse BE garanton perimetrin e shtetit të së drejtës dhe kjo nuk mund të negociohet, por vetëm të respektohet kur e ke dhe të ndërtohet kur nuk e ke.
Në këtë ditë që kremton Europën si një djep kulturash dhe vullnetesh unë dua ta nënvizoj me forcë që shqiptarët janë në ditën e tyre më të mirë, por njëkohësisht besimi për të qenë pranë Europës së Bashkuar është një garanci për të qenë në rrugën e garancisë pa kthim. Është një rrugë pa kthim. Për këtë dua që të nderoj sot të gjithë ata që e imagjinuar dhe më pas i dhanë jetë idesë së Bashkimit Europian. Dua të falenderoj gjithashtu të gjithë ata që punuar për ta sjellë sa më afër për Shqipërinë ëndrrën për Bashkimin Europian.