Emisioni KOHA JONE-DEBAT. Manjani: Gjithçka e organizuar nga Sorosi kundër Ramës!

Në emisionin KOHA JONE-DEBAT të Nikoll Lesi ishte i ftuar avokati i njohur Ylli Manjani. Debati u zhvillua se kush e organizon protestën si dhe a kanë të drejtë në kërkesat e tyre, ndërkohë që Ylli Manjani insiston se janë qarqet e Sorosit dhe njerëzit e Erion Veliajt si inspirues të tyre.

Kjo gjë u kundërshtua fort nga drejtuesi i emisionit.

Me tej Manjani shtoi se nuk mund t’ia fali Soros faktin që “djali i tyre, Edi Rama, t’i jap familjes Trump ishullin e Sazanit dhe Zvërnecin. A ke parë kohët e fundit që Rama të nxjerrë foto me Aleksa Soros? Jo! I ka tradhtuar”. Fakti që të gjitha mediat amerikane, kundërshtare të Presidentit Trump, po e japin live protestën, duke e emërtuar si protestë antiTrump, tregon se pas tyre janë fijet e familjes Soros., Manjani tha se ironike mbetet fakti që ndonëse pas gjithë kësaj është Soros, përkrahja nga Sali Berisha e protestës Soros-Veliaj, krijon dyshime të mëdha.

Natyrisht që në këtë rast kanë futur duart edhe grekët, mundet edhe iranianët, por kryesisht është rrjeti shumë i sofistikuar i Sorosit ballkanik, të cilin dikur Rama e përdori për vete, por tani i janë kthyer kundër, pohoi Manjani.

Organizatorët janë kaq dinakë sa nuk e kthejnë mënjëherë në parti politike këtë lëvizje, por i kanë përbashkuar të gjithë, edhe dreqin, që të krijohet ideja në publikun vendas dhe ndërkombëtar se është gjithë populli, e mbylli bisedën avokat Manjani.

(për me tepër klikoni te Watch on YouTube)