Ishte prezente në ceremoninë e hapjes së edicionit të parë të PriFestit në vitin 2009, ndërsa u rikthye pas nëntë viteve për ta parë nga afër progresin e këtij festivali. Bëhet fjalë për aktoren britanike, fituese të çmimit Oscar, Vanessa Redgrave, e cila është edhe presidente bordit të nderit të PriFest-it.
Mbrëmë, në kategorinë “Projeksion Special”, aktorja Redgrave solli filmin e saj të parë të punuar si regjisore, filmin “Sea Sorrow”, që vitin e kaluar kishte premierën botërore në Cannes. Filmi është shumë personal e dinamik që trajton temën e krizës globale të refugjatëve.
Në një konferencë pas shfaqjes së filmit, aktorja tha se ndihet mirënjohëse dhe shumë e kënaqur.
Ajo tregoi se i admiron miqtë e saj të festivalit për shkak të vullnetit që po e tregojnë për ta zhvilluar festivalin, përkundër përkrahjes minimale nga institucionet shtetërore. Ndërsa. për aktorët kosovarë dhe ata të rijnë në gjithë botën, Redgrave tha se privatizimi po i dëmton ata dhe arsimin në përgjithësi.