Zbulohet mumja e një prifti egjiptian 2500-vjeçar

Të dielën në mbrëmje gjatë një emisioni në kanalin amerikan “Discovery”, u zbulua Sarkofagu i një prifti egjiptian 2500-vjeçar.

Arkeologu egjiptian, Zahi Hawass dhe njerëzit e tij, të rrethuar nga kamerat, hapën tre sarkofagë, njëri prej të cilëve ndodhej në sipërfaqe të varrit ndërsa tjetri në fund të një galerisë. Sarkofagu i tretë mbante kufomën e priftit të madh të perëndisë Thot, që ishte shumë aktual gjatë dinastisë së 26-të (viti 664-525 para Krishtit).

“Ky njeri ishte si një mbret”, thekson Zahi Hawass.