Ka nisur në Gjykatën e Posaçme në Tiranë gjyqi i kërkuar nga kryebashkiaku Erion Veliaj.
Gjatë javës së kaluar, Veliaj depozitoi kërkesën për zëvendësimin e masës së sigurimit. Për këtë çështje ai mbrohet nga avokati Sokrat Gjermeni, i diplomuar në SHBA, raporton gazetarja Anila Hoxha.
Avokati Gjermeni është i pranishëm në seancë, ashtu si dhe kryebashkiaku Veliaj.
Kjo kërkesë e Veliajt për heqjen e masës është njëra nga disa të ngjashme, dhe një prej tyre ka kaluar më parë në shqyrtim në Gjykatën Kushtetuese. Bazuar në argumentet e paraqitura, Veliaj kërkon heqjen e masës sepse: provat nuk do të dëmtohen, hetimi ka përfunduar, nuk ekziston rreziku i ikjes falë garancisë pasurore dhe ai do të ketë mundësi për t’u njohur me aktet në dosje.