Lirohen hapësirat, Rama: Ndërtohet qendra e re e informacionit turistik në Shkodër

Kryeministri Edi Rama ndau sot në rrjetet sociale momente nga puna që po kryhet për lirimin e hapësirave në Shkodër, për t’i hapur rrugë ndërtimit të qendrës së re të informacionit turistik.

“Bashkia Shkodër po çliron hapësirat që do t’i hapin rrugë ndërtimit të Qendrës së re të Integruar të Informacionit Turistik, një investim që do të modernizojë shërbimet për vizitorët e turistët dhe do të ndikojë zhvillimin e turizmit në qytet.
Një tjetër hap drejt një Shkodre më të organizuar, më mikpritëse dhe më tërheqëse për të gjithë”, shkruan Rama.