Procesi për zgjedhjet vendore të vitit 2027 ka nisur prej kohësh, me partitë që kanë intensifikuar punën në terren dhe në strukturat e tyre organizative. Në fokus mbetet veçanërisht Tirana, si bashkia më e madhe dhe më e rëndësishme në vend, ku gara pritet të jetë më e forta dhe më e ndjekura në rang kombëtar.
Situata në kryeqytet paraqitet e paqartë për PS-në, e cila ende nuk ka shpallur një kandidat zyrtar. Kjo vjen në një kohë kur kryetari aktual, Erion Veliaj, ndodhet në burg, duke krijuar një situatë të pazakontë politike dhe institucionale për drejtimin e qytetit. I ftuar këtë mbrëmje në emisionin “Koha Jonë-Debat”, Sekretari i Përgjithshëm i PS-së, Blendi Klosi, ka folur mbi përgatitjet e partisë dhe procesin e përzgjedhjes së kandidatëve, duke ndalur veçanërisht te emrat që përfliten për Tiranën.
”Ogerta është pjesë e liderpishit të PS. Është drejtuese politike e qarkut të Tiranës, bashkë me Taulant Ballën. Ogerta ka një detyrë jashtëzakonisht të rëndësishme, tani për të gjithë procesin e rirrjetizimin, është gjatë gjithë kohës në punë, në takime me strukturat dhe me njerëzit, me procesin e zgjedhjeve në organizata dhe besoj që kur do të vijë procesi i përzgjedhjes, ne do të kemi një proces që ka funksionuar gjithmonë në PS. Unë mendoj që Primaret janë një gabim i madh, dhe PD i bëri për të dalë në TV. Kemi vend për një proces zgjedhjesh në parti dhe në fund është Kryesia e partisë që vendos se kush do jetë kandidati në Tiranë, por edhe në çdo bashki tjetër’,-tha Klosi.
(kliko videon)