I ftuar në emisionin “Koha Jonë-Debat” me Nikoll Lesin, avokati Ylli Manjani komentoi protestat e fundit që po zhvillohen në Shqipëri dhe në diasporë, duke i cilësuar ato si një reagim që vjen kryesisht nga njerëz që kanë qenë mbështetës të kryeministrit Edi Rama. Sipas Manjanit, protestuesit nuk janë kundërshtarë tradicionalë të Ramës, por ish-miq dhe votues të tij, të pakënaqur me mënyrën se si kanë evoluar marrëdhëniet politike. Ai deklaroi se në organizimin e protestave mund të jenë të përfshirë edhe persona të afërt me kryebashkiakun Erion Veliaj.
Pjesë nga biseda
Manjani: Unë mendoj që është një reagim i nisur midis shokëve, një pakënaqësi midis shokësh që ka arritur në këtë nivel.
Lesi: Si mes shokëve?
Manjani: Ata nuk janë armiqtë e Edi Ramës. Janë miqtë e Edi Ramës ose miqtë e Edi Ramës. Po t’i shohësh me vëmendje.
Lesi: Ti thua që janë njerëzit e Erjon Veliajt?
Manjani: Përfshirë dhe ata.
Lesi: Përfshirë dhe ato, apo vetëm ata?
Manjani: Unë mendoj që ata janë në organizim.
Lesi: Zoti Manjani, po deri tani kryeministri Edi Rama ka thënë që pas tyre janë iranianët, pas tyre grekët, tani Erjon Veliaj.
Manjani: … Janë socialistë në shumicë, janë miqtë e Edi Ramës, sigurisht me përjashtim të këtyre pleshtave që kanë hyp në prapanicë të kalit dhe mendojnë që tërheqin karrocën. Janë ca dështakë të opozitës që janë aty, por baza është kjo….