Ministri Nufi: Në 40-vjetorin e PS, Shqipëria do të jetë në BE

Ministri i Mbrojtjes dhe drejtuesi politik i Partisë Socialiste në qarkun Lezhë, Ermal Nufi, gjatë aktivitetit për 35-vjetorin e Partisë Socialiste u shpreh se PS ka qenë forcë përcaktuese në zhvillimet politike dhe në fatet e vendit gjatë 35 viteve të pluralizmit.

Sipas Nufit, në 35 vite histori nuk ka pasur asnjë moment kur Partia Socialiste të mos ketë qenë vendimtare në rrjedhën politike të vendit.

“Nëse ka një gjë të dukshme, është fakti se shqiptarët patriotë dhe zemërmirë i janë bashkuar Partisë Socialiste.

Jam i bindur se në festimin e 40-vjetorit, Shqipëria do të jetë në BE dhe do të kemi arsye për të festuar përmbushjen e misionit tonë”, tha Nufi.