Çfarë ndodh nëse në podiumin e protestës përballë Kryeministrisë kërkon për të folur Sali Berisha? Dritan Goxhaj këmbëngul se sipas rregullores së vendosur nga shtabi organizues, Berisha nuk do të lejohet të flasë, njësoj si kryetarët e partive dhe deputetët aktualë. ”Grupi koordinues ka caktuar grupe pune, qytetarët e thjeshtë hyjnë flasin. Pra, çdo qytetar i thjeshtë e ka mikrofonin e lirë të flasi. Mikrofoni është i ndaluar sipas rregullores që unë që më kanë bërë të ditur, është i ndaluar të flasin kryetarët e partive, deputetët aktualë. Pra nuk lejohen të flasin”,-tha Goxhaj i ftuar në ”Koha Jonë-Debat”.
Pjesë nga debati
Lesi: Ja erdhi Sali Berisha! Si do ta lësh?
Goxhaj: Si qytetar i thjeshtë në protestë.
Lesi: Ku rrin doktori qytetari i thjeshtë. Ai vjen e merr zjarri i turmës e del në podium thotë protesta ime.
Goxhaj: Nuk del dot në podium. Shtabi ka bërë një rregullore dhe ka thënë që…
Lesi: Po erdhi doktori në protestë?
Goxhaj: Jo nuk del.
Lesi: Kam pa plot demokratë aty se i njoh me emra që kanë vë flamurin kombëtar dhe dalin si protestë janë të PD-së një pjesë. Ato e marrin doktorin përpara hopa e vënë nël podium ”Fol doktor”.
Goxhaj: Nuk e vënë dot. Për këtë ju garantoj që nuk e vënë dot.
Lesi: Po ti jesh ti aty afër jam i bindur se je ushtarak i fortë.
Goxhaj: Aty jemi të gjithë. Ka edhe të tjerë ushtarakë që kanë ardhur aty për të ndihmuar. Ka edhe të tjerë djem që merren me çështje. Pra ka edhe djem të tjerë që merren me çështje të sigurisë të podiumit aty.
Lesi: Pse është e mirëorganizuar kjo?
Goxhaj: Grupi koordinues ka caktuar grupe pune, qytetarët e thjeshtë hyjnë flasin. Pra, çdo qytetar i thjeshtë e ka mikrofonin e lirë të flasi. Mikrofoni është i ndaluar sipas rregullores që unë që më kanë bërë të ditur, është i ndaluar të flasin kryetarët e partive, deputetët aktualë. Pra nuk lejohen të flasin.