Edhe ditën e sotme seanca plenare në Kuvend ka nisur me kaos.
Sapo kryeparlametari Niko Peleshi filloi të lexonte rendin e ditës, deputetët e PD nisën të godasin tavolinat e tyre dukë bërë zhurmë.
Tensionet janë përshkallëzuar më tej, kur deputetët demokratë kanë bllokuar foltoren e Kuvendit, duke penguar vijimin normal të seancës.
Përballë tyre, efektivët e Gardës së Republikës krijuan një kordon në sallë, duke u vendosur përpara deputetëve të opozitës.
Ndërkohë kryeparlamentari Niko Peleshi i hoqi të drejtën e fjalës Sali Berishës për gjithë ditën, duke argumentuar se Berisha bëri thirrje të hapur për dhunë nga foltorja e Kuvendit.
Më tej, seanca u ndërpre me 10 minuta.