U shpall ”non-grata”, Ikballe Huduti mesazh ministrit: Më mirë një vdekje dinjitoze, sesa një jetë me poshtërime

Me urdhër të ministrit të Brendshëm, Besfort Lamallari, Ikballe Huduti shpallet non grata në Shqipëri, për 15 vite. Vetë teologia nga Kosova, Huduti në një reagim, thotë se nuk ka më frikë nga ata që i quan “zullumqarë” dhe se prej kohësh ka zgjedhur të ngrejë zërin kundër padrejtësive. Ajo pohon se është përballur me poshtërime dhe sulme për shkak të bindjeve dhe qëndrimeve të saj. Shpallja ”non-grata” erdhi pas përfshirjes së Hudutit në protestat e zhvilluara së fundmi në Tiranë, ku ajo ishte fotografuar dhe filmuar duke marrë pjesë në tubimet kundër qeverisë. Kryeministri Edi Rama publikoi gjithashtu fotografi të saj nga protesta, si dhe një fotografi të mëhershme me ish-presidentin iranian Mahmoud Ahmadinejad.

Postimi i plotë

Një përgjigjje jo për Ministrin Llamallari por për një vëlla të shqetësuar që më dërgoji këtë lajm në what’s app. Paqe për ty Vëlla. Po e di, vëlla i nderuar, e lexova këtë shkrim. S’kam çfarë të humb, sepse moti i kam humbur ato gjëra që zullumqarët mendojnë se unë kam vuajtur për to.

Krejt çka kam humbur është frika ndaj zullumqarëve, asgjë tjetër, sepse edhe shpirtin, edhe jetën, edhe zemrën time moti ia kam falur Dikujt që m’i ka falur. Kam “humbur” nga kjo botë e “bukur” çdo të mirë, që nga dita kur e ngrita zërin kundër padrejtësisë në emër të lirisë humane dhe njerëzillëkut. U shkurorëzova nga kjo botë që nga dita kur e lexova poemën “Qerbelaja” të Naim Frashërit.

Jeta ime nuk do të kishte vlerë në këtë vend të shqiptarisë nëse unë nuk e kryej misionin tim, që ngjason me misionin e shehidëve të Qerbelasë. Mjaft më me poshtërimet që më janë bërë nga zullumqarët e vendit tim, qoftë nga pushtetarët apo fetarët.

Më e mirë për mua është një vdekje me vlera dinjitoze sesa një jetë me poshtërime. Të kam në dua, vëlla, edhe ju më keni në dua në këtë ditë të Ashuras. Kam nevojë për lutjet e secilit që dëgjon për padrejtësitë që më bëhen në këtë jetë.

Lexoni edhe:

Shqipëria shpall nongrata shtetasen Ikballe Huduti (Berisha) për lidhje me Iranin

Polemika për protestat në Tiranë, Ikballe Huduti i kthehet Ramës: Jam shqiptare dhe ndihem përgjegjëse për kombin tim

Edi Rama publikon foton e protestueses që ka dalë me ish presidentin e Iranit, Ahmedinegjadi, një xhelat i njerëzimit