Dita e Librit- Ministri Bushati vesh atletet dhe ia fut vrapit nëpër Nju Jork për sensibilizim

Ministri për Evropën dhe Punët e Jashtme, Ditmir Bushati, ndodhet në New York në takimin e nivelit të Lartë mbi paqen e qëndrueshme në Kombet e Bashkuara.

Ministri Bushati me një grup studentësh shqiptarë ka vrapuar në Central Park në ditën ndërkombëtare të librit. Kjo është mënyra që ka zgjedhur ministri Bushati për të sensibilizuar të rinjtë që të duan më shumë librin. Në New York, vrapimi është një formë e cila përdorët gjerësisht për të sensibilizuar për kauza të caktuara. Javën e kaluar ambasadorët e UN organizuan një ngjitje me vrap në godinën e sekretariatit të OKB-së në mbështetje të reformave të sekretarit të Përgjithshëm të OKB-së.

Në nëntor të vitit 2015 ambasada shqiptare dhe ajo e Kosovës në Uashington vrapuan në mbështetje të aspiratës së shtetit të Kosovës për tu anëtarësuar në UNESCO.