Eklipsi mistik në Kili – I pari që prej 1592, mijëra turistë mahniten nga pamja

Qindra mijëra turistë u mblodhën në shkretëtirën kiliane për të përjetuar një eksperiencë mjaft të rrallë, eklipsin e plotë të diellit në një prej qiejve më të qartë në planet. Rajoni nuk kishte përjetuar një eklips të plotë të diellit që prej vitit 1592, ndërsa i radhës do të jetë në vitin 2165. Pikërisht për këtë arsye, por edhe për shkak të magjisë që dhuron fenomeni astronomik në qiej si ai i Kilit, interesi këtë herë ishte mjaft i lartë. Eklipsi i diellit ndodh kur Hëna kalon mes Tokës dhe Diellit, duke e zhytur planetin tonë në errësisë.

Kjo ishte pikërisht ajo që ndodhi në Kili, një errësisë totale dhe mistike. Pamja më e qartë ishte pikërisht nga shkretëtira Atakama në veri të vendit, në kufi me Perunë. Edhe në qytetin bregdetar të La Serena, ku mungesa e lagështisë dhe dritave të qytetit krijon një prej qiejve më të qartë. Një rrip errësire prej rreth 150 kilometrash mbuloi qiellin, duke krijuar pamjen magjepsëse.