Të rinj kafenesh? Raporti: Shqiptarët klasifikohen tek punëtorët e “zellshëm”

Ndërsa ngjitur me nivelin e lartë të papunësisë është përdorur shpesh herë edhe fraza se “të rinjtë shqiptarë shpenzojnë kohën nëpër kafene”, një raport i Deloitte për tregun e punës, i klasifikon të rinjtë shqiptarë si “punëtorë të zellshëm”, duke u renditur të dytët me përqindjen më të lartë në rajon, pas Kosovës, konkretisht me 47.5 për qind.

Megjithatë sërish problematika vijon të mbetet lidhja midis shkollimit dhe tregut të punës, dhe pretendimet e larta që kanë të rinjtë e sapodiplomuar për tregun e punës.

Raporti “Hapat e Parë në tregun e Punës është realizuar në muajt Tetor-Nëntor 2017 dhe pyetësori është plotësuar nga 965 studentë dhe të diplomuar shqiptarë.

Ndër të tjera, raporti evidenton se tendenca e të rinjve shqiptarë është që të kërkojnë punë në fusha të përafërta me ato që kanë studiuar.