Lajmet që shqiptarët punojnë në “shtëpitë e barit” në Britaninë e Madhe, nuk mungojnë nga mediat britanike. Pasi u pikas nga policia si mirëmbajtës i një ferme kanabisi, shqiptari Etmont Lika gjeti metodën epike për t’iu fshehur policisë.
I riu tentoi të fshihej duke u ngjitur mbi çati. Autoritetet ranë në gjurmët e shtëpisë së barit, nga një kallëzim i një bravandreqësi të zonës. Teksa po ndërronte bravat e një prone ai vuri re se ishte një fermë droge.
Lika tentoi t’i fshihej policisë duke u ngjitur në një çati, por u kap dhe u arrestua. Si çdo i ri që zgjedh rrugën ilegale, Lika mbërriti në Britani nëpërmjet një varke përtej kanalit në shtator të vitit të kaluar, me shpresën për të fituar mundësi më të mira ekonomike. Lika tha se ka paguar 5000 euro për udhëtimin.
