Vrasja e 19-vjeçarit në Velipojë për hapësirën e shezlongëve, tronditi mbarë Shqipërinë, pasi u vra në lule të rinisë pa pasur asnjë faj. Kamarieri Rehyl Toska i cili ndërmori nismën për të mbledhur të gjithë bakshishet e kolegëve të tij, i dorëzoi nënës së Musaen Zenelit, 60 zarfe me paratë e mbledhura.
JOQ-ja shkruan se paratë i janë dorëzuar nënës së Zenelit, pavarësisht se kjo është thjesht një shumë simbolike.
“Isha shumë i prekur nga gjendja e nënës së Musaenit. Unë bëra ça na ka takuar ne, me aq kontribut sa kemi, dua të falenderoj kolegët, ish-kolegët, bizneset, qytetarë, të gjithë shqiptarët që më kanë kërkuar llogarinë e familjes. Ne nuk mund të kthejmë gjë mbrapa, por sa do me ja ngroh një fije familjes, me atë që janë duke përjetuar”,-tha Toska ndër të tjera.
