Partia Demokratike këtë të mërkurë bëri publike konkluzionet e grupit të punës që është marrë me hartimin e propozimeve për ndryshimin e Reformës Territoriale.
Nënkryetari i PD-së, Oerd Bylykbashi u shpreh se propozimi që Shqipëria të ketë në total 95 bashki asimetrike, nga 61 që ka sot, e afron pushtetin për qeverisjen e përditshme te zgjedhësit dhe godet centralizimin e pushtetit që ka bërë Edi Rama.
“Sot gjatë mbledhjes së grupit parlamentar të PD-së mbi prezantimin e propozimit të Partisë Demokratike për reformën territoriale. Partia Demokratike propozon 95 bashki duke shtuar 34 bashki të reja. Kjo ndarje e afron pushtetin për qeverisjen e përditshme te zgjedhësit dhe godet centralizimin e pushtetit që ka bërë Edi Rama. Një hap më tej është mbështetja për reformën drejt rajoneve, në përputhje me modelin europian”.
