25 qershori/ Rama mbledh deputetët e kandidatët e PS për organizmin dhe koordinimin e fushatës

Pas arritjes së marrëveshjes dy ditë më parë me kryeopozitarin Lulzim Basha, ku u vendos që zgjedhjet e përgjithshme të mbahen më 25 qershor, dhe kur e ndajnë pak ditë nga hapja zyrtare e fushatës zgjedhore, kryesocialisti Edi Rama ka ndezur motorët e saj. Për këtë arsye kryeministri thirrri në një takim urgjent pasditen e sotme të gjithë deputetët e PS-së si dhe kandidatët për deputetë, për të diskutuar pikërisht për fushatën zgjedhore.

“Kryeministri Rama së bashku me kryetarin e Asamblesë Kombëtare të Partisë Socialiste kanë vendosur të mbajnë një mbledhje urgjente me të gjithë deputetët e GPS dhe me kandidatet për deputetë në garën e zgjedhjeve për Kuvend 2017. Mbledhja e cila do të mbahet në ambjentet e Xibrakut në Tiranë, nesër, ditën e shtunë 20 maj, ora 19:00, është një mbledhje me shumë rëndësi për organizimin e fushatës dhe koordinimin e saj në të gjithë territorin, prandaj jeni të lutur për të qenë të pranishëm”- thuhet në njoftimin e shpërndarë nga selia rozë për deputetët dhe kandidatët socialistë në garën e 25 qershorit, ku siç thuhet në njoftim, bëhet fjalë për një mbledhje shumë të rëndësishme.

Nderkohë, pas takimit, do të shtrohet dhe një darkë tek “Xibraku”.

Në fotot e siguruara nga BalkanWeb, ai duket se ka mbërritur vetëm dhe është ulur për disa minuta në barin e lokalit. Në dorë ka pasur një dosje dhe ka firmosur diçka.

Kryeministri është parë më pas të flasë në telefon pa iu afruar askush prej deputetëve apo të besuarve të tij.