Abaz Hado: Idrizi merr mandatin PS i duhet PDIU-ja në koalicion

N/Kryetari i PDIU, Abaz Hado në një intervistë për gazetarin Denis Minga në Report Tv u shpreh i bindur se Shpëtim Idrizi do të marrë mandatin e deputetit në qarkun e Tiranës.

Ai theksoi se ka pasur gabime në procesverbal dhe në hedhjen e të dhënave në sistemin elektronik.

“Ka pasur gabime nga procesverbali dhe nga hedhja e të dhënave në sistemin elektronik.

Do të këkojmë që të gjitha që kanë ndodhur të zbardhen dhe ti jepet mandati Idrizit.

Po i shohim të gjitha votat dhe në fund jam i bindur se Idrizi do të marrë mandatin e deputetit” tha ai.

Përsa i përket koalicioneve, Abaz Hado deklaroi se PS i duhet në qeverisje PDIU-ja.

Por do të jetë e vështirë që PS të përfshijë në qeverisje parti të tjera, pasi mund ta formojë e vetme duke qenë se mori 74 mandate në 25 qershor.