Agron Duka mbledh në Durrës 5 kryetarë të partive opozitare

Kryetari i Partisë Agrare Ambientaliste, Agron Duka ka mbledhur sot në Durrës pesë kryetarë të partive opozitare.

Në takim kanë marrë pjesë deputeti i PD-së njëherësh kryetar i LZHK-së, Dashamir Shehi, kryetari i FRD Bamir Topi, kreu i LIBRA, Ben Blushi, kryetarin e PDK, Nard Ndoka dhe kryetari i PBDNJ Vangjel Dule.

Detajet e takimit janë bërë publike nga vetë kryetari i PAA-së, Agron Duka, i cili me anë të një postimi në rrjetet sociale shprehet: “Sot në Durrës pata kënaqësinë të kisha Dashin, Bamirin, Benin, Nardin dhe Vangjelin për një bilanc të vitit që po mbyllet, por folëm edhe për çfarë na pret në 2018.”