Agron Duka: Rama “pështyn” tepsinë nga e cila ka ngrënë

Kryetari i Partisë Agrare Ambientaliste, Agron Duka, në një koment të publikuar së fundmi në rrjetet sociale, vijon akuzat ndaj kryeministrit Edi Rama, ideja e të cilit është për të krijuar një monopartizëm që do ta shpëtonte administratën nga politizimi i saj. Por sipas Dukës, kjo është një tentativë për të fshehur problemet e këtyre katër viteve.

Komenti i plotë i Agron Dukës në Facebook:

“Hipokrizia me të cilën administrata publike po trajtohet këto ditë është tanimë e padurueshme. Partia më e madhe që ka qeverisur këto katër vite sulmon frontalisht gjithkënd në tentativë për të fshehur dështimet në organizimin e administratës publike.

Krijimi i një administrate moderne duhet të jetë një prioritet serioz i të gjitha forcave politike, gjithsesi sulme të tilla nuk mund të vijnë nga një parti që ka qeverisur me partiakë të paaftë, të paarsimuar, të pakaulifikuar, të korruptuar dhe në disa raste me të shkuar kriminale, sikurse dëshmojnë kronikat e këtyre katër viteve.

Një Kryeministër pa bilanc sulmon për të fshehur dështimet, “pështyn” tepsinë nga e cila ka ngrënë me vite duke fshehur të vetmen dëshirë që ka: gllabërimin e saj për “rilindasit” e tij.”