Akademiku arbëresh Mandala: Dëmtuese shkrirja e Akademisë së Shkencave

Profesor Matteo Mandalà, shef i katedrës së albanologjisë në Universitetin e Palermos, arbëresh nga Piana degli Albanesi, pasi është njohur me fjalimin që zëvendëskryetari i LSI-së Luan Rama ka mbajur në Kuvend në seancën ku u diskutua programi i qeverisë, i ka dërguar deputetit të LSI-së një mesazh, të cilin zoti Rama e ka publikuar në faqen e tij në facebook.

Profesor Mandalà, njëri prej autoriteteve të shquar të kulturës tonë kombëtare, është anëtar i jashtëm e Akademisë së Shkencave të Shqipërisë dhe anëtar i jashtëm i Akademisë së Shkencave dhe Arteve të Kosovës, albanolog, studiues i letërsisë, kulturës, gjuhës dhe trashëgimisë shqiptare, personalitet i albanologjisë europiane, i pranishëm në debatet më të rëndësishme për gjuhën, identitetin dhe orientimin kulturor shqiptar.