Alizoti: Humbje trishtuese dhe më e madhja për PD-në në 27 vite

Kreu i Departamentit të të Përndjekurve në Partinë Demokratike, Tomor Alizoti i ftuar në studion e “Tonight Ilva Tare” në Ora News, u shpreh se humbja e Partisë Demokratike në zgjedhjet e 25 qershorit është më e madhja në 27 vite.

Alizoti: Në 27 vjet të Partisë Demokratike është humbja më e madhe e saj, është një humbje trishtuese ndaj një qeverie tmerrësisht e dobët, një qeveri që nuk bëri asgjë dhe në fushatë nuk kishte asnjë plan. Humbja është më e thellë në gjithë historinë e saj.

Unë mendoj se do të kishim një fitore, por besoja edhe tek një humbje por jo në këtë format. PD ka fituar vetëm në dy-tre vende.