Ambasada britanike përshëndet shtyrjen e zgjedhjeve në Kavajë

Vendimin për shtyrjen e zgjedhjeve në Kavajë e ka përshëndetur edhe ambasada britanike në Tiranë.

Ambasada britanike bën thirrje për pjesëmarrje në zgjedhjet e 18 qershorit ndërsa apelon për shmangien e dhunës.

Njoftimi i ambasadës britanike

Në vijim të lajmeve të fundit, Ambasadori Britanik në Tiranë, Duncan Norman përshëndeti vendimin për shtyrjen e zgjedhjeve të pjesshme në Kavajë. Mbretëria e Bashkuar vazhdon t’i bëjë thirrje të gjitha partive politike për t’u angazhuar në mënyrë konstruktive me qëllim sigurimin e pjesëmarrjes të plotë në zgjedhjet e ardhshme. MB ripërsërit thirrjen ndaj të gjithë anëtarëve të partive politike të sigurohen për shmangjen e dhunës gjatë periudhës parazgjedhore dhe vetë zgjedhjet.