“Analiza” e Manjanit: Ja ku dallojnë Rama dhe Meta

Ish-Ministri i Drejtësisë, Ylli Manjani, shkruan se këtë muaj nuk ka menduar të merret me politikën, por një pyetje mbi politikën e ka ngacmuar këtë të fundit. Pyetja se ku konsiston dallimi mes Ramës dhe Metës, e ka nxitur ish-Ministrin që përgjigjen ta shkruajë në një postim në facebook. Sipas tij, dallimi qëndron tek “këshilltarët politikë”.

“Nuk desha të mendoj e as të merrem me politikë këtë muaj! Në vijim gjithnjë e më pak do harxhoj kohë me komente politike. Por dikush më ngacmoi me një pyetje vere. “Ç’dallim kanë Rama dhe Meta nga njëri-tjetri?”E mendova dhe ju përgjigja: Rama dhe Meta përfaqësuan të majtën, por nuk u sollën si të majtë. Në jetën e tyre politike patën nga një Koço si “këshilltarë politikë”. Pra dallimi nuk është ndërmjet tyre, por ndërmjet Koçove. Njëri është Kokëdhima, ndërsa tjetri Danaj… Dallim i dukshëm, apo jo?”, shkruan Manjani.