Arben Imami: Ajo që ka ndodhur në PD këto 4 vjet një refleks neokomunist (Video)

Duke marrë shkasë nga debati brenda mbledhjes së kryesisë së Partisë Demokratike, ku anëtarja e kryesisë, Valbona Mezini e konsideroi Jemin Gjanën si ‘dinozaur”, ish-deputeti i PD-së, Arben Imami i ftuar në studion e “360 Gradë” nga Artur Zheji në Ora News, thotë se kjo është normale, por problemi është mendësia në këtë parti.

Imami: Është normale që të hymë dhe të dalim si në çdo profesion. Problemi i PD është problemi i kulturës politike për të bërë një pastrim total me etiketën të rinj dhe të vjetër, por ato që dolën janë më shumë të rinj. Edhe Valbona vetë mund të thotë diçka që të tingëllojë kështu siç e cilësove ti.

Është komuniste që t’i drejtohemi me të rinj dhe të vjetër, i zi dhe i bardhë.

Politika nuk flet më për problematikat e qytetarit, por krijohen konflikte të kësaj natyre.

Ajo që ka ndodhur në PD këto 4 vjet rresht nuk është gjë tjetër vetëm se një refleks neokomunist.

/Ora News