Basha citon ish-Presidentin e SHBA: Rreziku më i madh për lirinë kur qeveria shkel Kushtetutën

Pas incidenteve që ndodhën sot në sallën e Kuvendit, ku u votua kryeprokurorja e re e përkohshme, Arta Marku, dhe jashtë sallës u mbajt protesta e opozitës, vjen reagimi i Lulzim Bashës. Në një mesazh në faqen e tij të ‘Facebook’-ut Basha komenton se:

“Etërit Themelues të demokracisë më të fuqishme, demokracisë amerikane, na kanë mësuar se rreziku më i madh për lirinë është kur qeveria shkel Kushtetutën!”. 

Prej ditësh opozita shprehet se Rama po shkel Kushtetutën duke zgjedhur Prokurorin e ri të Përgjithshëm pa konsensus.