Basha drejt tërheqjes nga rikandidimi për Tiranën, nxjerr në skenë emrat e Ristanit, Halimit e Dumës

Pas shpëtimit nga sikleti në të cilin e kishte future Berisha për një rikandidim në Tiranë, Lulzim Basha ka hedhur disa emra në qarkullim, si kandidatë të mundshëm. Ata janë Arben Ristani, Eduard Selami, Eduard Halimi, Majlinda Bregu, Grida Duma, Halim Kosova, Besnik Aliaj dhe Jorida Tabaku.

Emrat e tyre thuhet se janë propozuar nga degët e PD-së në Tiranë. Ndërkohë, askush prej këtyre degëve çuditërisht nuk ka propozuar emrin e Bashës. Ky i fundit tashmë po shkon drejt zyrtarizimit të moskandidimit të tij, ndërkohë që pritet të zgjedhë një prej emrave të mësipërm.