Basha ftesë kritikëve: Të gjithë janë pjesë e jona

Lulzim Basha mori mandatin e dytë si kryetar i PD-së, pasi fitoi 91 për qind të votave të më shumë se 59 mijë demokratëve. Në fjalën e tij të parë pas rizgjedhjes, Basha ka ftuar edhe demokratët që sipas tij e kanë “humbur rrugën për një moment”.  Për Bashën, dera e PD është e hapur për këdo që mbështet kauzën e zgjedhjeve të ndershme.

“Sot dua të garantoj të gjithë se PD do të jetë më demokratike duke u dhënë pushtet anëtarëve të saj dhe duke u kaluar vendimmarrjen atyre. Vendimmarrja do të jetë në duart tuaja. Ju do të vendosni çdo ditë e në vijim se kush do të jenë përfaqësuesit tuaj. Kushdo që vendos PD të parën dhe zgjedh kauzën e zgjedhjeve të ndershme dhe jo rehatinë është i mirëpritur, është pjesë e jona, është pjesë jona edhe pse për një moment ka humbur rrugën”, u shpreh Basha në fjalën e tij.