Basha i la jashtë listës së Korçës, deputetët Qirici dhe Papa në krah të Salianjit (FOTO)

Lista e PD-së nuk rikandidoi plot 24 deputetë të grupit parlamentar për zgjedhjet e 25 qershorit. Lënia jashtë liste, i ka ndarë të “përjashtuarit” në dy grupe: të kënaqurit dhe “rebelët”.

Tek të kënaqurit duket se janë edhe deputetët Eleinia Qirici dhe Gjergji Papa, të cilët kreu Basha i la jashtë listës shumëemërore në qarkun e Korçës. Të dy deputetët janë përfshirë në fushatën e këtij qarku, ku janë pjesë e ekipit drejtues.

Këtë gjëe ka bërë të ditur Ervin Salianji, kandidati i PD-së në Korçës, i cili ka marrë mbështetjen e deputetëve Qirici dhe Papa. Salianji i ka ftuar që të jenë pjesë në ekipin e tij përgjatë fushatës zgjedhore. Këtë e ka njoftuar edhe përmes një postimi në “Facebook”.

“Republika e re! Te gjithe nje ekip! 25 Qershor fitore e Partise demokratike. Mbasdite pune me tre profesore te nderuar dhe deputete te Partise Demokratike ne Qarkun Korçe, Profesoreshe Eleina Qirici, Prof. Edina Alolli dhe Prof. Gjergji Papa te gjithe bashke drejt instalimit te vlerave”, shkruan ai.