Basha i shtrin dorën e pajtimit kritikëve: Ka vend për ju në PD

Kreu i PD-së, Lulzim Basha, gjatë intervistës në “Opinion” foli për mospërfshirjes e disa prej figurave të njohura të PD-së në listat për deputet si Jozefina Topalli, Astrit Patozi, Ritvan Bode, Majlinda Bregu etj. Ai shprehu se ka një tolerancë më të madhe ndaj tyre, pavarësisht qëndrimeve të ashpra që ata kanë mbajtur.

“Unë kam marrë një vendim individual për listat dhe jam i vetëdijshëm. Për këtë arsye është detyra ime të kem një tolerancë më lartë individual ndaj atyre që e kanë parë veten jashtë listave. Në këtë proces që po nis do të ketë vend për secilin dhe secilën që të japin kontributin e tyre. Kjo nuk do të varet fare nga humori i tyre në raport me Lulzim Bashën”- u shpreh kryetari i PD-së.

Por Basha shtoi se nuk i trembet aspak zërave që thonë se të pakënaqurit në PD, mund të krijojnë një forcë të re politike.

“Që PD-së ti bësh shantazh me përcarje kjo ska funksionuar kurrë. Nuk ka funksionuar me Sali berishën dhe nuk do të funskionojë as me bashë kryetar, kjo për shkak të mbështetësve të PD. Vija e kuqje për mua është interesi i PD-së. Nëse cënohet interesi i PD-së apo militantë e PD-së, atëherë është detyra ime për të reaguar në mënyrë më të prerë”.