Basha: Kapja e kryeprokurorit do të destabilizojë vendin

Kreu demokrat, Lulzim Basha, ka vënë alarmin, duke thënë se kapja e kryeprokurorit nga kryeministri Edi Rama do të destabilizojë vendin. Në një dalje për media, pas takimit me grupin parlamentar, Basha tha se Ramës i duhet një kryeprokuror politik për të zhdukur dosjet kriminale dhe për të shpëtuar Saimir Tahirin, Vangjush Dakon, Qazim Sejdinin, si dhe dhjetëra dpeutetë, ish-deputetë dhe drejtues të PS.

“Farsa që po shohim në Kuvend është e paramenduar me një qëllim. Duhet t ëkuptojmë gjendjen ku ndodhet vendi. Tahiri është nën hetim në SHipëri dhe Itali si një nga drejtuesit kryesor i trafikut të drogës. Dhjetëra drejtues të lartë të policisë janë nën hetim për trafik droge. Vangjush Dako është nën hetim si bashkëpunëtor me krimni e organizuar. Kompania e Qazim Sejdinit është nën hetim për trafik droge dhe ai vetë ësht ëi dyshuar. Dhjetëra deputetë, ish-deputetë dhe drejtus të PS kanë lidhje me drogën dhe i pret hetimi. Arben Ahemta, Damian Gjiknuri, e dhjetëera të tjerë janë të përfshirë në afera, duke paralizuar ekonominë. Ka fakte të shumta dhe ka biznesmenë e qytetarë që kanë fakte dhe janë të gatshëm të dëshmojnë kundër tyre.

Laku i drejtësisë fillon të shtrëngohet në qafën e Ramës, ai vendosi të zgjedhë një kryeprokuror politik për të zhdukur të gjitha faktet që lidhin Ramën me krimin dhe të shpëtojë kriminelët. Prokurori politik i Ramës do përpiqet të zvarrisë hetimet për Tahirin, Dakon, Sejdinin, dhe të shmangë hetimin për Gjiknurin, Ahmetajn. Kapja e kryeprokurorit do të destabilizojë vendin”, tha Basha.