Basha, kritika të forta ndërkombëtarëve: Pse heshtni për vjedhjen dhe dhunën?

Kreu i PD-së, Lulzim Basha ka kritikuar ashpër ambasadorët dhe organizatat ndërkombëtare në Shqipëri për heshtjen lidhur me protestën e banorëve te Unaza e Re.

Në një deklaratë për mediat, Basha tha se këto ditë po shihet dhunë barbare ndaj grave dhe fëmijëve nga policia dhe asnjë shoqatë ndërkombëtare, ambasadorë, apo shoqëri civile nuk flet.

“Kam një pyetje për organizatat ndërkombëtare; ku jeni? Për çfarë paguheni? Për të bërë pasarela dhe për të ngrënë e të pirë dhe për të na treguar cilësinë e verës? Pse heshtni? Heshtja iu bën bashkëfajtorë”,- tha kreu i PD.