Basha mbledh koordinatorët për listat e kandidatëve, priten supriza

Partia Demokratike është në rishikimin e fundit të listës së kandidatëve e cila pritet ti dorëzohet KQZ-së, për zgjedhjet e 25 qershorit.

Për këtë kreu i PD-së, Lulzim Basha mblodhi koordinatorët e PD-së në qarqe për të diskutuar në lidhje me emrat e kandidatëve të PD-së për zgjedhje dhe punën e tyre me verifikimin e figurës të deputetëve të ardhshëm. Ky takim pritet që të vendos dhe për listën finale për të PD-së.

Në një dalje për mediat, Basha u shpreh se e sotmja është një ditë mjaft intensive. Mirëpo, ende nuk ka emra konkretë se cilët do të jenë në listat e PD-së.

Më herët aleati i PD-së, Vangjel Dule u pa në selinë e PD-së Bashën për të diskutuar në lidhje me përfshirjen e tij ose jo në listat e PD-së.