Basha në Durrës: Si u zhdukën 20 milionë euro taksa të qytetarëve durrsakë!?

Kreu i PD, Lulzim Basha, ka akuzuar Bashkinë e Durrësit për mbylljen e landfillit dhe kalimin e mbetjeve në inceneratorin e Tiranës.

Gjatë një takimi me dhomën e tregtisë në qytetin bregdetar, Basha deklaroi se nga Bashkia e Durrësit janë shpenzuar 20 mln euro për inceneratorin e Tiranës.

“Meqë ndërkohë zhvillohet edhe Komisioni për Inceneratorët, ka një informacion, këtu ka ekzistuar një landfill, Landfilli i Durrësit. Është mbyllur dhe është kaluar një vendim që 10 milionë euro të taksave të durrësakëve të shkojnë në të ashtuquajturin Inceneratorin e Tiranës që në fakt është landfili i Tiranës, ju e keni parë që s’ka incenerator.

20 milionë euro, janë taksa të qytetarëve durrsakë të cilët duhej t’i administronte bashkia e Durrësit për qytetarët durrsakë. Pastaj të ndahemi, s’ka rëndësi. Mund të bëjmë betejë me qytetarët, le të thonë socialistët nëse i qëndrjnë besnk programit të tyre në qoftë se këto 20 milionë euro duhet t’ua mbajnë famijeve të papuna e le të themi ne që këto 20 milionë euro do t’i përdorim për të zhvilluar ekonominë që familjet e papuna të mos ngelen të papuna, por të ketë të paktën një famijar të punësuar”,– tha Basha.