Basha: Nesër, fakte tronditëse për ”Unazën e Re”

Banorët e ”Astirit” janë mbledhur sërish ditën e sotme për të protestuar në ”Unazën e Re”, kundër prishjes së shtëpive të tyre pa u dëmshpërblyer. Kjo është dita e 22-të që banorët e Astirit dalin në protestë.

Kësaj proteste iu bashkua edhe kreu i Partisë Demokratike, Lulzim Basha, i cili tha: “Nesër do të publikohen fakte tronditëse për projektin korruptiv”.

“Është një provë e qeverisë së Edi Ramës dhe i mban ata si të burgosur politikë dhe liron kriminelët. Nesër do të publikojmë fakte tronditëse se sa e madhe është kjo vjedhje. Arrestimi dhe keqtrajtimi i 12 qytetareve që janë arrestuar këtu nuk duhet të ngelet jashtë vëmendjes së mediave”, tha Basha.