Batuta e Patozit me reformën: Po deputetët që shesin mandatin sa do dënohen?

Në mbledhjen e grupit parlamentar demokrat të zhvilluar sot paradite ku Lulzim Basha prezantoi ndryshimet që PD ka propozuar për rritjen e penaliteteve për ata që tentojnë të shesin apo blejnë votën, nuk ka munguar as një batutë e Astrit Patozit.

BalkanWeb mëson se gjatë kohës kur kreu i PD-së, Basha ka shpjeguar ndryshimet është ndërprerë nga deputeti demokrat Astrit Patozi i cili ka pyetur Bashën: “Kryetar dëgjova që një qytetar që tenton të shes apo të blejë votën dënohet nga 1 deri në 7 vite burg.

Dua të di sa dënohet një deputet që vendos të shes mandatin dhe të kaloj me një forcë tjetër politike i cili ka marrë me mijëra vota?

E them këtë se me këtë logjikë duhet të dënohej me burgim të përjetshëm. Meqë ne dënimin me vdekje nuk e kemi”, ka thënë duke qeshur Patozi.