Berisha u grushtua në protestë, reagon Lulzim Basha

Ish-kryetari i Partisë Demokratike, Lulzim Basha ka reaguar nëpërmjet një postimi në Twitter për incidentin që i ndodhi ditën e sotme në nisje të protestës Berishës.

Ish-kryeministri u sulmua nga një qytetar i cili rezultaton se është me probleme mendore.

Basha shkruan se kjo ngjarje duhet të zbardhet plotësisht dhe se dhuna nuk mund të jetë kurrë zgjidhje.

Reagimi:

Dënoj ashpërsisht sulmin fizik ndaj z. Berisha. Kjo ngjarje duhet të hetohet dhe të zbardhet plotësisht. Dhuna nuk mund të jetë kurrë zgjidhje. Ajo është vetëm tregues i një vendi pa zgjedhje të lira, pa drejtësi, pa demokraci funksionale dhe me korrupsion të pandëshkuar.